நாளை இது நிகழாமலே போகலாம்

நீங்கள் யாரோடும் சண்டையிட்டு விட்டால்
இன்றே சரி செய்து விடுங்கள்
இன்று அவர் உங்கள் நண்பராக இருக்கவே
விரும்பிக்கொண்டு இருக்கலாம்
நாளை இது நிகழாமலே போகலாம்

நீங்கள் யாரையேனும் காதலித்துக்கொண்டு இருந்தால்
இன்றே சொல்லி விடுங்கள்
இன்று அவர் உங்களை
காதலித்துக்கொண்டு இருக்கலாம்
நாளை இது நிகழாமலே போகலாம்

நீங்கள் உங்கள் நண்பரை பாராட்ட விரும்பினால்
இன்றே பாராட்டிவிடுங்கள்
அவரும் உங்களை பாராட்ட
காத்துக்கொண்டு இருக்கலாம்
இன்று இல்லாவிடில்
நாளை இது நிகழாமலே போகலாம்

=================================================================

ஒரு நாள் விடியற்காலை இன்னும் இருள் சூழ்ந்த அந்த நேரம், சுந்தர் கடற்கரை வழியே நடந்து கொண்டு இருந்தார். வருகிறேன் என்று சொன்ன நண்பருக்காக காத்துக்கொண்டு இருந்தார்.

பொழுது போகவில்லை என்று கடற்கரையில் இருந்த கற்களை அலைக்குள் போட்டபடி இருந்தார், வெளிச்சம் கொஞ்சம் தெரிய ஆரம்பித்தது, ஆம் சூரியன் மெல்ல கடலுக்குள் இருந்து வெளியே வர ஆரம்பித்து இருந்தது,

வெளிச்சம் பட்டவுடன் கையில் இருந்த கல் பளபளக்க ஆரம்பித்தது. அப்போது தான் சுந்தர் கவனித்தார் அது வெறும் கல் அல்ல வைரம் என்று, அவருடைய துரதிர்ஷ்டம் ஒரு கல்லை தவிர எல்லாவற்றையும் கடலுக்குள் எறிந்து விட்டு இருந்தார்..

மொக்கை நீதி :  காலையில் வெளிச்சம் வருவதற்கு முன் எழக்கூடாது...